Categoría: Novas INFANTIL

O partido na primeira parte foi moi disputado tendo cada equipo as súas opcións. Nun saque de esquina en corto encaixamos o primeiro gol nun desaxuste de marca. O equipo seguiu loitando e asumindo máis protagonismo. Dispuxemos dunha xogada de Fernando que encara ao porteiro e é trabado por detrás, intenta seguir pero o tiro condicionado fai que remate na herba. Noutra xogada de banda Diego da un pase en profundidade e Anxo encara e finaliza moi ben batindo ao meta rival. Antes do descanso houbo outra ocasión clara tras xogada de Nico e Fer e o seu tiro sae rozando o poste.

Os do Áncora eran moi verticais buscando situacións de dous contra un cos laterais creando moito perigo.

A segunda parte xa non tivo nada que ver coa primeira posto que encaixamos en dous minutos dous goles. A partir de aí, accións moi desafortunadas non sinaladas provocaban goles nesas accións, ben por xogo perigoso, fóras de xogo ou balóns que saían do rectángulo de xogo.

Co resultado de 6-1 a familia aurinegra queda xon 10 xogadores por non autorizar o árbitro facer o cambio por lesión do gardamallas e Nico ten que xogar de porteiro.
Nos tres minutos de desconto encaixamos o séptimo.

Para a vindeira semana visítannos os nosos veciños de Barro na 4ª xornada.
#imoscuntis #infantíscuntis

Partido disputado na Ran onde o Atl Cuntis logrou unha vitoria merecida con 4 goles de Fer e 1 de Anxo.
Intentouse xogar o balón pero por circuntancias o equipo local realizou un fútbol directo e froito deso os 5 goles.
O Céltiga meteu 2 goles, un nun saque de esquina no que o seu dianteiro, libre de marca, consigue o empate e na segunda parte, co marcador de 3-1, tras un potente tiro e boa parada de Marcos, no rechace chega o 3-2.

Destacar o traballo e entrega de todos os xogadores.
Para a semana visitamos a un candidato a estar nos postos altos da táboa clasificatoria como é o Áncora de Ouro.
#imoscuntis #infantíscuntis #atléticocuntiscf

O partido comezou co Moraña coa posesión do balón e o Cuntis replegado intentando ter as súas opcións nalgunha contra ou xogada de estratexia.
Nun saque de esquina a mala decisión de non sacar o balón provoca o 1-0 a favor do Moraña de tiro cruzado. 5 minutos despois, nun mal saque de portería, o balón remata ás costas do lateral e remata en 2-0.

Nesta primeira parte destacar, xunto con Rubén, o gran partido de Diego.

Na segunda metade, aos 6 minutos, en 2 faltas merecedoras de tarxeta, lévannos a xogar con 10 por expulsión de Diego. Recompoñemos o equipo con defensa de 3 e buscando o ataque pero en 3 ocasións resistiusenos o gol.

Felicitar ao Moraña pola vitoria merecida e prepararnos para recibir ao Céltiga B e recuperar os xogadores lesionados.

#imoscuntis #infantíscuntis #atléticocuntiscf