Atlético Cuntis -
 

2ª XORNADA 2ª GALICIA

| Leave a comment

F.C. Cruceiro 0 – Atlético Cuntis 0

Este domingo afrontamos o primeiro desprazamento ao sempre complicado campo do Cruceiro de Hío

Partido moi desputado dende o minuto inicial, sen un claro dominador. Co paso dos minutos fixémonos co control do encontro con chegadas a área rival; pero sen concretar ningunha delas, chegando ao descanso cun empate a cero no marcador que facía xustiza ao visto durante o primeiro período.

Na segunda metade o xogo desapareceu por completo con ambos equipos máis preocupados de non encaixar que de crear, o que fixo que se chegara ao final do encontro co mesmo resultado co que comezou, empate a cero.

Destacar o punto obtido nun campo difícil onde moitos equipos se van deixar puntos ao longo da tempada.

Para a semana visita A Ran A Lama SD, un dos equipos chamados a ocupar a parte nobre da táboa a pesar do seu mal comezo de tempada.

#imoscuntis

 

 

E.D. Poio 3 – Atlético Cuntis 6

Este sábado pola tarde nos desprazamos a Poio, ao campo de A Seca, no primeiro partido de visitante da presente tempada

Partimos coa intención de seguir coa mesma intensidade que no partido anterior pero non foi nin parecido, quizás os nervios, o campo…pero costounos moito entrar no partido.

Tivemos bastantes erros de posicionamiento, de elección de xogada, de intensidade…, aínda así conseguimos adiantarnos no marcador cun gol de Brais. O Poio respostou 3 minutos despois conseguindo o empate. Nós non fomos quen de mellorar o xogo; pero aproveitamos as nosas ocasións, conseguindo ir ao descanso cun resultado de 1-3, goles obra de Rubén e de Pablo.
No descanso intentamos manter a calma e xogamos co marcador. No minuto 57 nos puxemos 1-4 con gol de Darío; pero a verdade é que pasamos os peores momentos do partido e o rival nos atacou e presionou conseguindo, no min 70, reducir a ventaxa a 3-4; pero xa no final do partido, en dúas xogadas de presión e roubo conseguimos (no 84 e no 89) o 3-5 gol de Pablo e o 3-6 final gol de Giao.

Sen dúbida o mellor foi o marcador.

Para a semana recibimos na Ran ao Verdugo.

#imoscuntis #xuveníscuntis #atléticocuntiscf

Atlético Cuntis ©2017. All Rights Reserved.