Categoría: Novas SENIOR A

Dende o Cuntis non paramos de traballar arreo na confección da plantilla do primeiro equipo. Logo de presentarvos ao novo adestrador, é agora o turno dos xogadores que van a seguir vestindo a nosa camisola unha tempada máis. Deste xeito, as renovacións son as seguintes: Richi (10ª tempada no clube), Antonio (5ª tempada), Anxo (4ª tempada), Pablo Matos (4ª tempada), Romero (4ª tempada), Souto (3ª tempada), Diego Lago (3ª tempada) e Dani (2ª tempada).

Luis Miguel Rivadulla, «Luismi»

Luis Miguel Rivadulla, «Luismi» (27 anos), chega procedente do Estradense B. Antes estivo no Estudiantil unha tempada e no primeiro equipo do Estradense dous anos, polo que conta con ampla experencia en Preferente. Na súa etapa de formación estivo en equipos como o Cidade de Santiago e o Conxo, competindo en división de honra. Luismi é un xogador de banda, zurdo e incisivo, cun carácter gañador que de seguro nos será de moita valía ao longo da tempada.

Diego Terzado,»Buchi»

Diego Terzado, máis coñecido como «Buchi», ten 26 anos, e é un central de gran envergadura, destacando polo seu poderoso xogo aéreo. Esta será a súa terceira etapa como xogador aurinegro, pois xa contamos con el en Xuvenís e na tempada 2013/2014 en 1ª Rexional. Estes últimos 3 anos formou parte do CD Estradense, onde se consolidou como unha peza importante.

Javier López «Javito»

Javier López «Javito», de 28 anos, chega procedente do CD Estradense, equipo no que militou durante 3 tempadas en Preferente. Anteriormente xa tivemos a sorte de contar con el na tempada 2013/2014, en 1ª Rexional. Javito é un xogador que destaca principalmente pola súa velocidade, carácter e polivalencia, e que se desenvolve fundamentalmente por banda dereita, tanto de extremo como de lateral, aínda que tamén pode actuar no medio do campo.

XAVI COTÓN, NOVO XOGADOR DO ATLÉTICO CUNTIS

Xavi, de 30 anos, é un mediocentro ofensivo, con bo trato de balón, e que destaca pola súa organización do xogo, así como polo seu bo golpeo a balón parado.

En categorías base sempre estivo entre o Flavia e o Furia, para logo en categoría sénior xogar sempre neste último. Logo dun tempo de inactividade por motivos laborais, a tempada pasada logrou unhas magníficas cifras na Segunda Rexional de 12 goles.

Moita sorte e benvido!